خاص جدا جدا جدا

موضوع: خاص جدا جدا جدا السبت يوليو 02, 2011 6:30 am

القلب مليان بالحنان ولما بيشوفك بيفرح ويبقى هيطير فى السما
والنبض يبقى البوم اغانى طايرة ترفرف فى العلالى سايبه مكنها منورة
واسال النبض اللى خارج واقوله مالك يقولى سيبنى لقيت حبيبتى خليك فى حالك
ويقوم سايبنى وفارد جناحات الهوى علشان يطير وباقصى سرعه رايح عليها
ولما يوصل يلقى ضحكه مجننه تنزل رموشها م الكسوف تقفل عنيها
بصوت رقيق عمال يزيد فى رقته
يسمع كلامها الطير يقوم يطير من فرحته
ولما تسكت تلقى ودنك من الزعل عماله تهمس
وتبقى مش طايق السكات عايزة تخرج من دماغك تروحلها
تقعد قدام الشفايف وتبقى شايف ولا انت عارف تشدها
خلاص ياودنى يلا بينا عشان هنمشى . نبقى نجيلها وقت تانى
تقوم تقولك اخلع انت هصلك . متبقاش انانى
لسه باقى كلمتين لما تقولهم هتلاقينى جايه فى ثوانى
اعمل ايه امشى واسيبها وابقى ماشى من غير ودانى

عايش فى زكرى وبمحى الحب من صدرى
وهو جانى فيوم قالى
تعالى نرجع اللى كان
نعوض لحظه الحرمان
وتبقى الفرحه دى بتاعتك
حرام تقفل عليك بابك
وبوابك مهش انسان
ياسيدى اتهنى زى زمان
ومتتعبش يوم قلبك
ليه خايف تبوح بالحب مدام حبيت
ليه كل متشوفها قصادك تقولى ياريت
مش كنت مستنى الفرصه لحد متيجى واديها جتلك
مستنى ايه متروح عليها وقلها ايوة بحبك
ياعم خايف ابوح بالسر اضيع حلم بحلم بيه
ولو ضاعت بقى منى قلى ساعتها هعمل ايه
كفايه عليا اشوفها قصادى واسمع كل يوم ضحكه
ولو حظى مهش عادى وتبقى امى دعيالى تتكلم يادوب كلمه
مسيرها فيوم لازم تعرف انى بدوب وموت فيها
دنا لو اطول اجيب عمرى واحطه خاتم فى ايديها

ادى انواع الحريم للى عامل معجبانى
واحده بتيجى من كلمتين ولما تيجى توجع دماغك
وواحده سايقه فيها التناكه اقولها احمد تقوم تقولى خليك فى حالك
وواحده ماشيه معرضاها تيجى تعاكسها تمسك فى خناقك
شكلك خفيف عامل ظريف يلا امشى لطرقع صداغك
وواحده تشوفها تقول جميله باين جمالها من عنيها
وتبقى بتحلم وتقول لصاحبك هيا دى اللى بدور عليها
تيجى تصارحها تفاجى بصوتها تبقى هتندهله البوليص
فاكرين اعلان خالتى بايرة واللى كانت عايزة عريس
وواحده مش هتشوف عيوبها الا لما تعدى فترة
تكتشف انك عبيط لما تعرف ايه ظروفها
وتلقى نفسك الاخير فى لسته مش معروف اخرها
وفى بنات الاحترام بيشر منهم
وفى بنات زى ميقول الكتاب واشهدلهم
الجمال هو الجمال والرقه حاجه فى طبعهم

@ لما شفتك @
لما شفتك نبض قلبى طلعله صوت
واسرح معاكى واروح فى دنيا ودنيتك ملهاش حدود
يام العيون السود يام الشفايف بشعر سايح على الخدود
جتلك بنادى راح فين فؤادى بيدور عليك مشفتهوش
والنهارده انا كنت ماشى وفجاه كده من غير معاد
سمعت ضحكه جايه عليا ومن بعيد شفتك هناك
عملت انك مش فى بالى وفضلت ماشى من سكات
فجاه لقتنى واقف قصادك من لبختى وقع الكتاب
بصيتى ليا وضحكتى ضحكه وصحبتك ضحكت عليا
خدت نفسى ومشيت بسرعه والدنيا قعدت تلف بيا
رحت لصحابى وشى احمر والكسوف باين عليا
صحبى شفنى قالى مالك مش عويدك تسكت شويه
حكيت لصحبى شفت واحده ضى نورها زغلل عنيا
واحده من اهل السما عليها نظرة مجننه كل الشباب
بعنين تدوخ ولما تضحك يا دهوتى انا شعرى شاب
اه ولا الشفايف عليها شعر زى مبيقول الكتاب
صحبى قالى كل مرة تشوفلى واحده تيجى تقولى خلاص لقيتها
ولما اشوفها الاقيها بومه ورابطه استك فوق الجونله
بصيت لقيتها جايه عليا وقالتلى اتفضل خد كتابك
بصتلى بصه انا دخت فيها لما انت مش اد الكلام ايه اللى جابك
خدته منها وخلاص هتمشى قلتلها ثانيه كان فين كتابى
سكتت ومشيت وصحبى تنح قلتله شفت الجونله
واليوم ده عدى وروحت بيتى وفضلت ساكت سارح معاها
فكل ثانيه وفكل حته مبشوفش قدامى غير عنيها
لا عارف اقوم ولا عارف انام ومش بفكر الا فيها
واقول لنفسى بكرة هشوفها بس امته هييجى بكرة
وبكرة جه وشفت صحبى وقلتله مشفتهاش انا نفسى اشوفها
خدت صحبى وقعدنا نمشى ومن جوايا بدور عليها
قعدت ابص فى كل حته مفيش اثر ولا حس ليها
قلت لصحبى اكنش بحلم لو كان ده حلم يارتنى مصحى
شكلى وقعت صحبى قالى لو وقعت ده تبقى دى احلى وقعه
واليوم ده عده وبكرة عده وبعده زيه يادى المناهدة
انا مش لاقيها خلاص تعبت لحد امتى هدور عليها
نفسى مرة اشوف عنيها واقولها وحشنى صوتك
غيبتك طويله ليه طولت بس بحلم ارجع واشوفك
وفضلت قاعد اسبوعين من غير مشوفها
فكل حته امشى فيها الاقى صوتها
وفلحظه كده من غير معاد لقتنى واقف قدام كتابى
خدته فى حضنى وقلتله ليه العناد مش شايف عزابى
ورحت فاتح الكتاب لقيت مفاجاه لا دى كانت احلى مفاجاه
لقيت كلامها بخط ايدها وفى النهايه سايبه رقمها
قايلالى انى هدور عليها بس علشان الاقيها لازم اتعب

علمنى شعبى كيف يكون هناك سلام
كيف اعيد الحق لبلدى كيف اناضل دون استسلام
لن اجعل راسى منخفضا واباع فى سوق الانعام
يا وطن ماتت ضحكته جرحوك وكسرو الاقلام
كثر الفساد فيك وفيك اقاموا عليك الاحكام
يام البلاد كانت على الحياد صرخه بيصرخها ولادك المظلومين
اتعزبوا واتشردوا وجاعوا وان كنتى مصر امال احنا مين
احنا يا مصر ولادك احنا ياوطنى زادك احنا اللى نمنا فى حضن نيلك عطشانين
احنا اللى كنا فى سينا واتنسينا واحنا اللى متنا فى غزة واتسبينا احنا يابلدى ولادك متغربين
لو كنتى فعلا امنا فين حقنا فين اكلنا ولا لازم اعلق على كتفى دبورتين
......كنت بسال نفسى دايما يعنى ايه كلمه بحبك
كنت بستغرب لما القى الف غنوة تتقال فى حبك
من بلادى لوطنى حبيبى لخلى اسلاح صاحى لحمايتك
تبقى مصيبه لو بقيتى يا مصر غنوة نغنهالك
نقول رضا والف شكر ونرفع ايدينا للى بيهرب فى مالك
ولو فيوم فكرنا نسال منلقيش حد يجاوبنا مبنلقيش غير المفالك
ييجى حرسك يضربونى ويوقلولى وانت مالك هو مالك
اه شكلك شيوعى عملى وطنى يابن الشششششششششعب قدامى يلا اشوف جمالك
راح فين جمالك وفين نظيف ولا الدخيله وفين مبارك
يعنى ايه 30 سنه منلاقيش يامصر فيكى عالم
هو لازم واحد شريف وجمبه يبقى الف ظالم
فين يا وطنى فين زويل وفين فاروق وفين المشد
هما اللى سافرو اه صحيح محدش فيهم حب وطنوا لما قلنالهم تعالوا كله نفض وكله هج
فعلا صحيح هيجرى ايه لو كانوا فضلو وعاشو هنا معاشوش هناك
وياخدوا راتب ومش اى راتب راتب مكنوش هيخدوة هناك
ونعملهم شويه معامل و حبه مصانع يطلعولنا حبه عجب
ايشى ولعات على استيكات على كرسات نقوم نبيعهم يجيبوا دهب
خلاص يا مصر معدش فيكى عالم هيمشى
كله هيرجع ومش هنهدم لا هنبنى
لازم اخليك يا وطنى زى مايقول الكتاب
من النهارده عمايرك هتوصل للسحاب
جه الدور يا مصر تعيشى مرة للغلابه مش هما اللى يعيشولك
يعنى اتعب ولما اتعب الاقى حقى بينادينى مش لما اتعب الاقى فولك

سالونى عنك فلم اجيب
من تلك الملاك التى اثارت دهشتنا لا تتركنا لحيرتنا
فاستعجبوا متى شئتم فان تعبتم فاسالو موج البحر عنها
فسالوا البحر يابحر اتعرفها اخبرنا فقط بسيرتها
فرد البحر وقال اجمعوا لؤلؤات البحر واتونى بافضلها
...فبحثوا عنهم وحين لقوهم اخذوهم وزهبوا اليه بافضلها
وقالوا تعبنا يابحر جئناك بحجر لماع جئناك بتعب اخبرنا
قال انظروا لتلك اللؤلؤة فان تحملتم ضيها فتلك ازا ضحكتها
قالوا الى هذا الحد ضحكتها فما بال الشعر اخبرنا
قال انتظرو حتى تغيب الشمس وانتظروا الظلمه حتى تغطى حدود الارض
وابحثوا عن شىء اسود يظهر فى عتمه ليل
فبحثوا عن هذا الشىء وحين راوة اخزوة وزهبوا اليه وسالوة ماهذا الشىء
لم نرا ابد سوادا يظهر فى عتمه ليل
قال هذا الشىء سقطت عليه شعرة منها فتخيلوا انتم لون الشعر
قالوا الى هذا الحد سواده اخبرنا ما لون العين
قال الان وقت نهايتى فزاب الموج وصار البحر فى اسوا لون
وعادوا الى وسالونى وقالوا اين زهب البحر
قلت كان يفتخر بلون الموج وزرقته وتسالونه عن لون العين
قالوا كفى الان علمنا انت رفضت لتخبرنا وهذا جمال يفوق كل حدود العقل

كان يوم مهبب يوم مجيت حبيت
كنت عازب عايش برنس وبيه
اطسيت فى عقلى لما قلت خلاص
هشوف حياتى وابقى زى الناس
وخدت اهلى ورحت اطلب ايدها
دخل ابوها بعنجهيه فاردها
قالى اهلا نخش فى المطلوب
هتجيب لبنتى عفش مش موجود
والشقه تبقى براح يجرى فيها الخيل
والشبكه احسن سيغه منقوشه نقش جميل
انا بنتى بنت اصول مهرها غالى
ياعمى مش معقول متشوف بقى حالى
ردت عليا حماتى هو ده الموجود
عجبك تشيل ياضنايا ونقولك خلاص مبروك
رد خالها بصوت حنين احنا بنشترى راجل
كفايه انك زوق منتش ولد فاجر
بصيت لبويا لقيته نام وشخيرة بقى عالى
اصحى يابا وفوق معايا وشوف اللى جرالى
بصيت لقيت واحده حلوة بابتسامه داخله عليا
حطه الاحمر لا والاصفر وفى ايديها ماسكه الصنيه
لقيت حماتى بتنادينى قوم ياخويا ومد ايدك
اخدته منها وبكل رقه رحت قايل كتر خيرك
واليوم ده عدة وجينا بقى ليوم الفرح
كانت ليله حلوة يومها بقى قلبى انشرح
اللى بيرقص واللى سارح واللى لوحده قاعد يغنى
وناس غريبه عماله تيجى وكل واحد طالع يهنى
والليله خلصت ورحت قايم ماسك ايديها
الليله خلصت ولينا شقه يلا بينا نطلع عليها
ولما جينا عند السلالم قالتلى استنى يلا شيلنى
وانتى اتشليتى قلتلى كده طب خاصمنى
مينفعش طبعا فليله دى اتخاصم معاها
رحت شايلها غصب عنى كل ده بطلب رضاها
قلتلها يلا غيرى هدومك لحد مصلى ركعتين
وقعدت اصلى وفضلت ادعى ييجى ساعتين
بصيت لقيت واحده تانيه غير اللى كانت قاعده جمبى
منغير لا ميكب ولا شفتشى رحت صارخ قايل يالهوى
حاجه كده ملهاش ملامح بس خلاص بقت مراتك
وهيا دى بتبقى النهايا لا ويا ويلك من حماتك

مشتاقلك خلاص ياللى ضحكت عينيك تملى بتنور دنيتى
مشتاق والشوق قاتلنى خليك قريب منى ونور وحدتى
ياللى ملكش تانى فى الدنيا كلها نظره عنيك وحشانى ده مفيش زيها
ولا ثانيه فيها هسيبك دنا مصدقت اجيبك وخلاص بقيت حبيبك تعالى فى حضنى انا
فى عنيك شايف مدينتى مكتوب على الباب اميرتى نجمه من السما
ياللى ملكش تانى فى الدنيا كلها نظره عنيك وحشانى ده مفيش زيها

هو فى ايه هيا مالها عماله بتضلم كل شويه ليه
ناس فى التناكه سايقه فيها وناس القسوه بتداريها
طيبه وحنان وبصوت رقيق يهمس فى ودنك ال ايه شقيق خايف عليك
ولما تبقى محتاج لايده تنده عليه ميعبركش
تصرخ تنادى عملت ايه تلقى صوتك مبيتسمعش
ملعون ابوكى دنيا واطيه مبتديش غير للخسيس
واللى زيى ملوش مكان ودايما تبيعى بالرخيص
حاسس بانى عايش وحيد ودنيا مش بتحس بيا
واللى كان ال ايه حبيب دلوقتى بيتنك عليا
لا ولسه فى الزمان ده اللى يعيش لازم يشوف
كله يعمل اللى عايزة لاعاد فى عيب ولا فى كسوف
وانا مش هشوف ولا هفرق بين العزيز واللى كان بيحس بيا
انا مش هعاتب ولا هلوم زى مقلبى هان عليه هو كمان هيهون عليا

ده كلام عايزانا نبعد واللى بينا يادوب سلام
طب وقلبى يرضى مين ياناس قلولها والله حرام
كنت فاكر انى ملكت الدنيا وملكت اللى فيها
كنت بحلم اعيش معاكى تكونى ليا ولو دقيقه
ده كلام عايزانا نبعد واللى بينا يادوب سلام
طب وقلبى يرضى مين ياناس قلولها والله حرام
مين اللى ينساكى ده انا كنت بهواكى وعشان بحبك انا سبتينى برضاك
مش قادر انساكى ولا عارف ارجعلك ولا روحى راضيه تشوفك ولا عايزة تسمعلك
ده كلام عايزانا نبعد واللى بينا يادوب سلام
طب وقلبى يرضى مين ياناس قولولها والله حرام

حاسس بالدنيا بتضحكلى
ماشى وال يعنى بتندهلى
عامل فيها شجيع السيما
هيبه وعظمه وحبه كدب
ولازم يابنى مدام هتحب
سيبك ملى يقولك اوعى
وابعد عنه واوعاك توعى
دنيا ياصحبى زى الغابه
واللى بيضعف ملهوش عاذه
اياك فاكر ان الحب ياصحبى كلام
علشان توصل للى تحب اوعاك تسهر وادخل نام
لا فيوم تعمل فيها رومانسى تفضل سهران ولا بتنمشى
كبر يابنى وادخل نام ده اللى سهرله فى احلى منام
اتقل على البنت وخليها لحد متيجى وتجرى عليك
تسال مالك ايه اللى جرالك شكلى خلاص انا هنت عليك
لا دى بجد فى حاجه غريبه امبارح ملقيش ولا رنه
دنت كنت فى كل دقيقه الاقيك بتصدع فى دماغنا
ضير وشك واسكت حبه ورد عليها اصلى منمتش
امبارح كلمت انا نانا بتعيط ياعينى مبتسكتش
مكسورة ياعينى وزعلانه مدايقه ال ايه مبتسالش
قلتلها معلش يانانا مشغول وحياتك مشغول
هتلاقيها زعلت وتروح ماشيه اوعاك تضعف واتقل حبه
هيا يادوب هتكلم صحبتها وتقولها شفتى الواطى
عمال ال ايه بيحب فى نانا ويا حبه امها زعلانه
هتلاقى صحبتها بتنصحها كل الرجاله اصناف واطيه
يوم والتانى هتلاقى منها جاى رساله
بتقولك فيها تعبانه وانها صارت فى اسوء حاله
خليك بارد واوعاك تسال وان طولت اقفل جوالك
بس اوعاك تستهبل فيها وتروح مستعجل وترد عليها
خليك قاعد ييجى اسبوع لا رساله ولا رنه تليفون
واعمل انك غلطان فى رساله وابعتلها فى كلام موزون
وامسك تلفونك كلمها ال ايه تتاسف للغلطه
هتلاقيها مش هترد عليك ال ايه زعلانه ومنكسره
خليك رن لحد متزهق وابقى قابلنى ان جات ردت
وتبقى امك بقى داعيه عليك لو حظك خلاها ترد
هتجيب التهزيق والعيبه ليك ولاهلك واللى يسد
لا وف اخر كلمه ياصحبى هتقولك اقفل يابن الكلب
امبارح انا جالى عريس ورينا بقى عرض كتافك
وهتبقى نهايتك ياروح امك لو رنيت وخطيبى انا شافك

عايزانى انساكى فى عز مكنت محتاجلك وبندهلك انا حب عمرى ميتنسيش
سايبانى بتعزب وسايبه الجرح من بعدك وقلبى خلاص مهش طايلك بوصل صوتى للعالى وصوتك ليه ميوصلنيش
ليه سايبانى فى دنيا غريبه دنيا تعاند دنيا سخيفه بنده عليكى ارجعى
غيبتك طالت وانا مش قادر حاسس انى وحيد فى بعادك عمال بنده اسمعى